+0 به یه ن
آذربایجانین شیفاهی خالق ادبیاتی نین ان زنگین قولو بایاتی
لاردیر ،
زنگین ده نیز كیمی آشیب-
داشان ئویود، نصیحت و یاشاییش
درسلری نین قایناغی دیر . بایاتی لاردا، مجلس
دبلریندن، ایگیدی نامدلردن
آییرماق ئولچولری، وفادارلیق دان توتوب تا آزادلیقی سئومك دن، حلال روزو
قازانماقدان تا بؤیوكلره احترام ائتمه یی تاپماق اولار .بایاتی لاریمیز دینی
و اینامسال درسلرین قایناغی دیر . دینده و مقدس كیتابلاردا صحبت اولان قونولار
، عیناً بایاتی لاریمیزدا دا یازیلیب، بؤیوكدن اوشاقا، قیزدان اوغلانا، قوجادان گئنجه
، نسیل دن نسیله، دیلدن دیله دئییلیب، عمل اولونموشدور. بو قونویو گؤزه آلاراق،
تورك خالقی، ایسلام تاریخینده،
ایسلامین اوچ بؤیوك گوجلریندن بیری[1] تانینمیشدیر.
بایاتی
لارین چوخ ، ساده سؤزجوكلر ایله، ساده دیل ایله دئییلیب، نئجه اینساندا ایز
بوراخدیقی هامی یا آیدین دیر .
بایاتی قاینار چشمه,
یئل چالار اوینار چشمه,
ظلمكار لار الیندن ,
اوره گی دئشمه-دئشمه.
بایاتی ائل غمیدیر,
سازلارین دیلغمیدیر,
هر كلمه سی بیر عمان,
دریندیر,سئومه لیدیر.
بایاتی شكسته دی,
درمان اولار خسته ده,
دؤلانیر دیلدن, دیله,
اؤخور ایشچی ایشده ده.
بایاتی شیرین بالدی,
اؤرماندی اوجاداغدی,
بابالاردان توكنمز,
قیمتلی یادگاردی.
بایاتی زمان سسی,
اینجیلرین اینجه سی,
كتچیلرین گئجه لر,
شب چره سی, پسته سی.
بایاتینی ائل قانار,
بولبول آغلار گول یانار,
بیر اوزلو بیر سوزلونو,
زمان دویار ائل انار.
بایاتی نین اصیلی,
گزه ر نسیل نسیلی,
نه مرزی وار ,نه حددی,
بزه ر فصیل فصیلی.
بایاتی نین سازی وار
شوری وار,شهنازی وار
حصارا سیغیشمایان
سه گاه تك اوازی وار.
بایاتیدا تار سسی
كمان سسی ,یارسسی
چوپان اؤخور بایاتی
یؤرولماسین نفسی.
بایاتی اغیز دادی
بابالارین فریادی
كرمین اصلی سیدیر
شیرینین ده فرهادی .
بایاتیدی,اغیدی
ائلین سؤلماز باغیدی
تاریخ بیر هوندور چنار,
بایاتی بوداغیدی.
بایاتیدی,ناغیلدی
دنیالارا داغیلدی
حكمتی فلسفه سی
بوتون علمه یاییلدی.
بایاتی گون سؤزودور
زمانه نین گؤزودور
هرنه دئمیش بابالار
حقیقتین اوزودور.
عاشیق اؤخور بایاتی
ناخیشلاییر حیاتی
كوراؤغلو الینده ساز
اویاندیری قیر اتی.
بایاتی بایات اولماز
دئمگینن قورتولماز
انا محبتیدیر
هئچ زمان اونودولماز.
